Бу ҳақда Ветеринаия ва чорвачиликни ривожлантириш давлат қўмитаси раиси Баҳром Норқобилов ва Жанубий Корея давлатининг Чхунчхон-Намдо провинцияси кичик ва ўрта бизнес тадбиркорлар палатаси раиси Донг-Хйон Шин ўртасида бўлиб ўтган мулоқотда маълум қилинди. Учрашувда Жанубий Корея давлати тадбиркорлари билан ҳамкорликни йўлга қўйиш масалалари муҳокама қилинди. Жумладан, ўзаро ҳамкорликда юртимизда чорва моллари учун корейс стандартлари асосида ветеринария дори воситалари ва вакциналари, диагностика воситлалари ва чорвачилик, паррандачилик ва балиқчиликка мўлжалланган омухта ем маҳсулотлари ишлаб чиқариш бўйича музокара ўтказилди. Шунингдек, томонлар давлатлар ўртасида минтақавий ҳамкорликни янада кучайтириш, кореялик мутахассислар иштирокида семинар-тренинглар ташкил этиш ва тажриба алмашиш масаласини муҳокама қилишди. Мулоқот сўнггида мамлакатимизда яратилган инвестицион муҳит ва чорвачилик соҳасидаги ислоҳотлар билан таништириш мақсадида жорий йилнинг сентябрь ойида кореялик тадбиркорларнинг Ўзбекистонга ташрифини амалга оширишга келишилди.