«Ветеринария дори воситалари ва озуқабоп қўшимчаларнинг ҳавфсизлигига қўйиладиган талаблар» умумий техник регламент бўйича
Ветеринария дори воситалари ва озуқабоп қўшимчаларнинг ҳавфсизлигига қўйиладиган талаблар» умумий техник регламент Ўзбекистон Республикаси Вазирлар Маҳкамасининг 2017 йил 11 декабрдаги 905-сонли Қарори билан тасдиқланди. Техник регламент 2018 йил 1 июлдан бошлаб кучга киради.
Асоси ва аҳамияти- Ўзбекистон Республикаси Вазирлар Маҳкамасининг 2014 йил 30 июлдаги “2014-2018 йиллларга мўлжалланган техник регламентларни ишлаб чиқиш дастурини тасдиқлаш тўғрисида”ги 207-сон қарор ижросини таъминлаш мақсадида ишлаб чикилган.
Қарор лойиҳасини қабул қилиш зарурияти қуйидагилар билан асосланади:
- кейинги йилларда мамлакатимизда чорвачиликни янада ривожлантириш, қорамол ва паррандалар бош сонини барқарор оширишни таъминлашда давлат ветеринария хизмати тизимини такомиллаштиришга алоҳида эътибор қаратилиб, аҳолининг парранда, балиқ ва чорва молларини бош сонларини кўпайтириш ва уларнинг маҳсулдорлигини ошириш эвазига кўшимча даромад олиб, арзон ва сифатли маҳсулотлар ишлаб чиқаришда ҳайвонларнинг турли юқумли, юқумсиз ва паразитар касалликларини даволаш ҳамда олдини олишда турли номдаги ветеринария дори воситалари қўлланилиши йўлга қўйилган. Шу муносабат билан ушбу ветеринария дори воситаларини ишлаб чиқариш, уларнинг муомаласи, ветеринария амалиётида қўллаш жарёнларида ҳавфсизлигига қўйиладиган талаблари баёни келтирилмокда;
- Республика ҳудудини ҳайвонларнинг юқумли ва юқумсиз касалликларини кириб келишининг олдини олиш ҳамда ветеринар осойишталикни таъминлашга йўналтирилган тадбирларни тизимли равишда амалга ошириш имкони яратилади.
Мақсади–умумий техник регламентни ишлаб чиқишдан мақсад биринчи навбатда инсон ҳаёти ва соғлиги, юридик, жисмоний шахсларнинг ва давлатнинг мол-мулки, атроф муҳит муҳофаза қилинишини, шунингдек Ветеринария дори воситалари ва озуқабоп қўшимчалар ҳавсизлигини таъминлаш.
Регламентнинг қўлланиш доираси – Регламентда ветеринария дори воситалари ва озуқабоп қўшимчалар барча турларига ҳавфсизлик талабларини белгилайди.
Регламентда ўрнатилган талаблар- Регламентда Ветеринария дори воситалари ва озуқабоп қўшимчалар ишлаб чиқилиши, сақлаш, ташиш, тамғалаш, муомилага чиқариш ва утилизация қилиш жараёнлариги ҳавфсизлик талабларини белгилайди.
Умумий техник регламентда Ветеринария дори воситалари ва озуқабоп қўшимчалар маҳсулотларини биологик ва кимёвий ҳавфсизлиги талаблари ўрнатилган.
Регламент тадбиркорларга нима қулайликлар беради - - ветеринария амалиётда қўлланилаётган ветеринария дори воситаларини стандартлаштиришда Ўзбекистон Республикасининг “Техник жиҳатдан тартибга солиш тўғрисида”ги Қонуни талабларига мувофиқ техник регламентлар амал қилиниши билан уларда келтирилган маҳсулот ва хизматларни стандартлаш бўйича аввал қабул қилинган меъёрий ҳужжатлар мажбурийлик ҳусусиятларини йўқотади ва ўрнатилган тартибда қўлланилиш имконига эга бўлмоқда;
биринчидан, умумий техник регламент талабларига мувофиқ амалга ошириладиган чора-тадбирлар натижасида бино ва асбоб-ускуналар ҳавфсизлигига бўлган талаблар жорий этилади, шунингдек ветеринария дори воситаларини ишлаб чиқариш мақсадида наъмунавий ишлаб чиқариш бинолари ҳамда замонавий асбоб-ускуналар, жиҳозлардан фойдаланиш йўлга қўйилади;
иккинчидан, умумий техник регламент талабларига мувофиқ амалга ошириладиган чора-тадбирлар натижасида ветеринария дори воситаларини ишлаб чиқаришда ишлатиладиган ҳом ашё ва материаллар ҳавфсизлигига бўлган талаблар жорий этилади, натижада келиб чиқиши номаълум бўлган, сифати ҳамда ҳавфсизлиги шубха уйғотадиган, шунингдек ноқонуний келтирилган хом ашёларни ишлатишга чек қўйилади, ветеринария дори воситалари ва озуқабоп қўшимчалар ишлаб чиқаришда ишлатиладиган ҳом ашёлар ҳавфсизлиги, сифати ҳамда муомаласи юзасидан назоратни амалга ошириш механизми яратилади;
учинчидан, умумий техник регламент талабларига мувофиқ амалга ошириладиган чора-тадбирлар натижасида ветеринария дори воситаларини саноат асосида ишлаб чиқаришда, ветеринария дори воситаларини ветеринария дорихоналарида тайёрлашда, тайёр ветеринария дори воситаларини ўраб жойлаш, қадоқлаш, тамғалаш ва қайта қадоқлаш ҳавфсизлигига бўлган талаблар жорий этилади, шунингдек ветеринария дори воситаларини ишлаб чиқариш бўйича илғор технология ва тажрибаларни жорий қилиш механизмлари яратилади;
тўртинчидан, умумий техник регламент талабларига мувофиқ амалга ошириладиган чора-тадбирлар натижасида ветеринария дори воситаларини муомаласи, уларни ветеринария амалиётида қўллаш, яроқсиз ветеринария дори воситаларини йўқ қилиш ҳавфсизлигига бўлган талаблар жорий этилади, пировард натижада хайвонларнинг юқумли ва юқумсиз касалликларини даволаш ҳамда олдини олиш борасидаги амалга оширилаётган ишлар самарадорлигини оширишга хизмат килади.
Ўзбекистон Республикаси Вазирлар Маҳкамасининг 2017 йил 11 ноябрдаги 905 сон Қарори ижросини таъминлаш бўйича олиб борилаётган ишлар
Маҳаллий ва импорт қилинадиган ветеринария дори воситалари ҳамда озуқабоп қўшимчаларни рўйхатдан ўтказиш учун такдим этилган техник меъёрий ҳужжатларини регламент билан мувофиқликка келтириш бўйича ишлари олиб борилмоқда.
Ветеринария дори воситалари ва озуқабоп қўшимчаларни тайрлаш, ишлаб чиқиш, қадоқлаш, таранспортда ташиш, сақлаш, сотиш ва йўқотиш тўрисидаги тартиб ишлаб чиқилиб Давалт ветеринария қўмитаси томонидан тасдиқланди.
Тадбиркорлик субъектлар томонидан ишлаб чиқарилётган ташкилот, тармоқ стандартлари ва уларнинг йўриқномалари ушбу умумий техник регламаентга мослаштирлмоқда.
Умумий техник регламентнинг мақсади, мазмуни ва уни қўллаш тартиби тўғрисидатадбиркорлик субъектларига тушунтириш ишлари амлага оширилмоқда. Жумладан, “VETERINARIYA TIBBIYOTI” илмий-оммабоп журналининг 3-сонида мақола чоп этилиши режалаштирилган.
Жорий йилнинг май ойида Ветеринария дори воситалари ва озуқабоп қўшимчаларнинг сифати ва муомаласини назорт қилиш давлатилмий марказида тадбиркорлик субъектлари ва ветеринария соҳасидаги мутахассислар балан семинар ўказилиши белгиланган.
