Давлат ветеринария қўмитасида “Ветеринария фаолиятини лицензиялаш бўйича давлат хизматлари қўрсатишнинг мажбурий регламентида белгиланган долзарб вазифалар” мавзусида йиғилиш бўлиб ўтди.

Унда Қорақалпоғистон Республикаси ветеринария қўмитаси, Тошкент шаҳри ва вилоятлар ветеринария бошқармаларининг ветеринария фаолиятини мувофиқлаштириш ҳамда қўмитанинг ветеринария фаолиятини мувофиқлаштириш, лицензиялаш шўъба мудирлари иштирок этди.

Давлат ветеринария қўмитаси раиси ўринбосари Аброр Акбаров раислигида ўтган йиғилишда соҳага оид қонун ва қарорларнинг жойлардаги ижросини таъминлаш, шунингдек, ветеринария даволаш-профилактика ишлари; ветеринария препаратлари, қўшимча озуқалар сотиш бўйича юридик шахс ва якка тартибдаги тадбиркорлар фаолиятини лицензиялаш ишларининг сифатли амалга оширилиши ҳамда бу бўйича назорат ўрнатилиши юзасидан аниқ топшириқлар берилди.

Мазкур топшириқларнинг жойлардаги ижросини таъминлаш ҳудудий бошқармаларнинг ветеринария фаолиятини мувофиқлаштириш шўъба мудирлари зиммасига юклатилди. Шу йилнинг 1 июнидан бошлаб синов тариқасида давлат хизматлари кўрсатиш амалга оширилади.

Вилоят ветеринария бошқармаларига лицензия бланкаларини белгиланган тартибда тайёрлатиш, тадбиркорлик субъектлари иштирокида семинарлар ташкил этиш ва қонун ҳужжатларидаги янгиликларни етказиш каби вазифалар юклатилди.

Манба:Давлат ветеринария қўмитаси
Ахборот хизмати